İnegöldə yayımlanan “Super Kanal” aparıcısı Seyfəddin Aras xəbərləri əsgər forması ilə təqdim edib.

“Qafqazinfo” Türkiyə mətbuatına istinadən xəbər verir ki, aparıcı son günlər Türkiyədə baş verən terror hadisələrinə etiraz etmək və təhlükəsizlik güclərinə dəstək olmaq üçün belə bir addım atdığını bildirib: “ Ölkə olaraq yasdayıq. Bütün Türkiyədə olduğu kimi bizlər də yaşanan son hadisələrə görə acı çəkirik. Cismən olmasa da, qəlbən onlarlayıq. PKK terror təşkilatına etiraz olaraq xəbərləri belə təqdim etməyə qərar verdik”.

Qeyd edək ki, Seyfəddin Aras fevral ayında rayonlarında elektrikin 3 gün ərzində olmamasına xəbər bülletenini lüks lampası ilə təqdim edərək etiraz etmişdi.