Türkiyədə PKK-nın Dağlıca hücumundan sonra Şimali İraqa qaçan terrorçular, dünən axşam saatlarında xüsusi təyinatlı dəstə olan "Bordo Beretli"lər tərəfindən izlənilib. Bizimyol.info xəbər verir ki, təxminən 160 "Bordo Beretli" terrorçuların koordinatlarını müəyyən edib. Daha sonra müəyyən edilmiş hədəflərə 53 hərbi təyyarənin qatıldığı geniş çaplı əməliyyat başladılıb. Hərbi təyyarələr Şimali İraqda çox sayda PKK hədəflərini vurub. "Bordo Beretli" qrupun Şimali İraqda bir neçə saat qaldığı məlum olub. Hərbi mənbələrin verdiyi məlumata görə, 100 PKK terrorçusu öldürülüb. Əməliyyatın 6 saat çəkdiyi bildirilir.