Rusiya və Çin arasında savaş ola bilər.

Axar.az xəbər verir ki, bu iddia ilə ameriaklı jurnalist Kayl Mizokami “Nəşinəl İnterest” qəzetində dərc olunan məqaləsində çıxış edib. Jurnalistin fikrincə, bu savaş başlayacağı təqdirdə Rusiya üçün əsas zəif məqam onun iqtisadiyyatı və coğrafi vəziyyəti olacaq:

“Hazırda Çinlə Rusiya arasında pis olmayan münasibətlər var və konflikt az inandırıcıdır. Lakin unutmaq olmaz ki, iki ölkə arasında ərazi mübahisələri var və bu istənilən an müharibəyə çevrilmək imkanına malikdir. Rusiya hərbçiləri son 20 ildə Çeçenistanda, Gürcüstanda, Ukraynada savaş aparıblar. Amma buna rəğmən onların texnologiyası getdikcə köhnəlir və iqtisadiyyatı zəifləyir. Üstəlik, Rusiya ordusunun böyük hissəsi Avropa istiqamətində cəmləşib və onu qısa zaman ərzində Urala göndərmək elə də asan olmayacaq. Bu savaş olacağı təqdirdə Çin üçün əsas üstünlük ordunun əməliyyatların keçiriləcəyi bölgələrə yaxın ərazilərdə olmasıdır. Digər tərəfdən, Çin ordusu ruslara nəzər yetirdikdə daha çox saya sahibdir. Onların NATO və Qafqaz kimi diqqət yayındıran və daimi hərbi mövcudluq tələb edən problemləri yoxdur”.