Oksford Universitetinin və Massaçusets Texnologiya İnstitutunun alimləri Yerin maqnit sahəsinin mövcudluğunun ən qədim təkzibedilməz izlərini aşkar ediblər.

Araşdırmanın nəticələri “Journal of Geophysical Research Solid Earth” jurnalında dərc olunub.

Geoloqlar Qrenlandiyadakı İsua formasiyasından dəmir tərkibli qədim süxurların ardıcıllığını təhlil ediblər. Məlum olub ki, 3,7 milyard il əvvələ aid süxurlar maqnit sahəsinin gücü müasir maqnit sahəsi (30 mikrotesla) ilə müqayisə oluna bilən ən azı 15 mikrotesla çatdıqda əmələ gəlib.

Nəticələr bütöv qaya nümunələri əsasında əldə olunmuş Yerin maqnit sahəsinin gücünün ən qədim qiymətləndirilməsini təmin edərək, ayrı-ayrı kristallardan istifadə edilən əvvəlki tədqiqatlardan daha dəqiq və etibarlı məlumat verir.
Maqnit sahəsinin gücü nisbətən sabit qalmış kimi görünsə də, günəş küləyinin keçmişdə əhəmiyyətli dərəcədə güclü olduğu məlumdur. Bu, Yer səthinin günəş küləyindən qorunmasının zaman keçdikcə artdığını göstərir ki, bu da həyatın qitələrə və okeanlardan kənara çıxmasına şərait yarada bilərdi.

Mənbə: lenta.ru