“Birləşmiş Ştatlar Çinin suverenliyi və təhlükəsizliyi ilə bağlı qırmızı xətləri pozmamalıdır”.

KONKRET.az xəbər verir ki, bunu Pekində ABŞ dövlət katibi Antoni Blinkenlə görüşündə Çinin xarici işlər naziri Vanq İ deyib.

Çin Mərkəzi Televiziyası Vang Yi-dən sitat gətirib: “Birləşmiş Ştatlar Çinin daxili işlərinə qarışmamalı, Çinin inkişafını boğmamalı və Çinin suverenliyi, təhlükəsizliyi və inkişaf maraqlarından söhbət gedəndə qırmızı xətləri keçməməlidir”.

O vurğulayıb ki, “Çin həmişə Si Cinpin tərəfindən irəli sürülən qarşılıqlı hörmət, dinc yanaşı yaşama və əməkdaşlıq prinsiplərinə sadiq qalıb və Çin-ABŞ münasibətlərinin sabit, sağlam və davamlı inkişafının təşviqinə sadiqdir.

Blinken Çinə işgüzar səfəri çərçivəsində aprelin 24-də Şanxaya gəlib. Amerika diplomatiyasının rəhbəri aprelin 26-dək Çində olacaq. Bu, Blinkenin ABŞ dövlət katibi olduğu müddətdə Çinə ikinci səfəridir.