Fətullah Gülənin təhvil verilməsi üçün Türkiyədən gələn sənədlər rəsmi ekstradisiya tələbi sayılmır. Axar.az xəbər verir ki, bunu ABŞ Dövlət Departamentinin sözçüsü Mark Toner deyib. “Sənədlər ard-arda gəlir. Hamısını araşdırsaq da, hələlik bir nəticəyə varmamışıq”, – Toner bildirib.
Qeyd edək ki, Fətullah Gülənin ekstradisiyası üçün rəsmi Ankaranın 85 qutu sənəd göndərdiyi açıqlanmışdı. ABŞ-ın Pensilvaniya ştatında yaşayan Gülən haqqında Türkiyə hökuməti tərəfindən “15 iyul hərbi çevriliş cəhdinin təlimatları vermə” maddəsi ilə həbs qərarı verilib.