Səttar Mehbalıyevin diplomat kürəkəni ABŞ-a qaçıb? – RƏSMİ REAKSIYA

13-07-2020, 10:26           
Səttar Mehbalıyevin diplomat kürəkəni ABŞ-a qaçıb? – RƏSMİ REAKSIYA
Mətbuatda Azərbaycan Xarici İşlər Nazirliyinin Ümumi Katibliyinin əməkdaşı Rəşad Eyvazovun ABŞ-a qaçdığı barədə informasiya yayılıb.

Qeyd olunur ki, Azərbaycan Həmkarlar Konfederasiyasının sədri, Milli Məclisin deputatı Səttar Mehbalıyevin qızı Nigar Eyvazova ilə evli olan Rəşad Eyvazov həyat yoldaşını və 3 oğlunu ataraq (daha dəqiqi, təxminən 1 ay olar ki, ailə dağılıb), N. adlı sevgilisi ilə ABŞ-a yerləşib.

Onun özü ilə Mehbalıyevlər ailəsinə aid 3 milyon ABŞ dollarını götürdüyü bildirilir. Bu məsələ ilə bağlı tərəflər arasında gərgin qalmaqal yaşanır.

Bildirilir ki, Mehbalıyevlər ailəsinin Türkiyədəki biznesi 400 milyon dollar qiymətləndirilir. Bura otellər, villalar, mağazalar aiddir. Türkiyədəki bizneslərə Səttar Mehbalıyevin həyat yoldaşı rəhbərlik edir. Nigar Eyvazova isə SOCAR-Türkiyənin əməkdaşıdır.

Bundan əvvəl Rəşad Eyvazov 4-5 il ərzində İstanbuldakı konsulluğumuzda işləyib, diplomatik vəzifə daşıyıb. Ancaq sonradan o, Xairici İşlər Nazirliyinin sərəncamına qayıdıb, nazirlikdə işləməyə başlayıb. R.Eyvazovun bu yaxınlarda Los-Ancelesdəki konsulluğa təyinat aldığı bildirilir.

ABŞ-ın Los-Anceles şəhərində yerlşən Baş Konsulluğundan Musavat.com-a bildiriblər ki, adı çəkilən diplomat XİN-in əmrilə 2018-ci ildə Baş Konsulluğa ezam olunub və hazırda da Baş Konsulluqda fəaliyyətini davam etdirir.
Musavat.com












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.