Türkiyə, Fransa və Portuqaliya AVRO-2020-nin seçmə mərhələsində ilk oyunlarını keçirəcək - AFİŞA
22-03-2019, 08:22
Bu gün futbol üzrə 2020-ci il Avropa çempionatının seçmə qrup mərhələsində I turun digər qarşılaşmaları keçiriləcək.
"Report"un məlumatına görə, ikinci oyun günündə 3 qrupda 7 görüş təşkil olunacaq.
Öncə A qrupunda Bolqarıstan Monteneqronu qəbul edəcək. Qrupun digər matçında İngiltərə “Uembli” stadionunda Çexiya ilə üz-üzə gələcək.
B qrupunda mübarizə aparan son Avropa çempionatının qalibi Portuqaliya evdə Ukrayna ilə münasibətlərə aydınlıq gətirəcək. Digər oyunda isə Lüksemburq və Litva komandalarının dueli olacaq.
Dünya çempionu Fransa H qrupunda səfərdə Moldovanı sınağa çəkəcək. Qonşu ölkə Türkiyə də seçmə mərhələdəki ilk oyununu səfərdə keçirəcək. Şenol Güneşin baş məşqçilik etdiyi kollektiv Albaniyanın müqavimətini qırmağa çalışacaq.