İngiltərənin “Arsenal” klubunun çilili hücumçusu Aleksis Sançes London komandasını tərk etmək qərarına gəlib.
Futbolçu mövsümün sonunda komandasını dəyişəcək.
Məlumata görə, 28 yaşlı hücumçu “topçular”ın nəticələrində irəliləyişin olmamasından narazıdır və hətta baş məşqçi Arsen Venqer qalacağı təqdirdə belə komandadan getmək niyyətindədir.
Futbolçunun klub ilə hazırkı müqaviləsi 2018-ci ilin yayında bitir.
Sançes “Arsenal”da 2014-cü ildən çıxış edir. O, cari mövsümdə 25 oyuna 17 qol vurub və 7 məhsuldar ötürmə edib.