DD Tayvana “Patriot” raketlərinin satışına razılıq verib
10-07-2020, 10:53
ABŞ Dövlət Departamenti Tayvan adminstrasiyasına “Patriot” (PAC-3) raketlərinin yenidən sertifikatlaşdırılması və təmiri üçün mümkün Xarici Hərbi Satışa razılıq verib. Ordu.az xəbər verir ki, bu barədə ABŞ Müdafiə Təhlükəsizliyi Əməkdaşlıq Agentliyi məlumat yayıb.
Bildirilir ki, adminstrasiya ilə bağlanan müqavilənin dəyəri 620 milyon ABŞ dollarıdır.
Müqaviləyə sınaq və dəstək alətləri və digər əlaqəli avadanlıqlar daxildir.
Müqavilənin əsas icraçısı ABŞ-ın müdafiə nəhəngi olan "Lockheed Martin" şirkəti olacaq.