“Pakistan Ordusu siyasətdən uzaq durmaq istəyir” – Baş Qərargah rəisi Bacva

7-10-2022, 09:05           
“Pakistan Ordusu siyasətdən uzaq durmaq istəyir” –
Pakistan ordusunun Baş Qərargah rəisi, ordu generalı Qamar Cavid Bacva ABŞ müdafiə naziri Lloyd Ostin ilə Pentaqonda regional təhlükəsizlik məsələlərini müzakirə edib.

Pakistan Silahlı Qüvvələrinin media qanadı olan Xidmətlərarası İctimai Əlaqələrin (ISPR) açıqlamasında deyilir ki, Baş Qərargah rəisi bir həftəlik səfəri zamanı ABŞ-ın Milli Təhlükəsizlik müşaviri (NSA) Ceyk Sallivan və Dövlət katibinin müavini Vendi Şermanla telefonla danışıb. Söhbət zamanı qarşılıqlı maraq doğuran məsələlər, regional təhlükəsizlik vəziyyəti və müxtəlif sahələrdə ikitərəfli əməkdaşlıq müzakirə edilib: “General Bacva, ABŞ rəsmilərinə dəstəyə görə təşəkkür edərək deyib ki, qlobal tərəfdaşlarımızın köməyi Pakistanda daşqın qurbanlarının xilas edilməsi üçün həyati əhəmiyyət kəsb edib”. Hər iki tərəf Pakistan və ABŞ-ın ikitərəfli əməkdaşlığının uzun tarixə malik olması və iqtisadi əlaqələr, ticarət və investisiyalar vasitəsilə inkişaf etməyə davam edəcəyi barədə razılığa gəlib.
Vaşinqtondakı Pakistan səfirliyində nahar zamanı Baş Qərargah rəisi bəyan edib ki, silahlı qüvvələr siyasətdən uzaqlaşıb və siyasətdən uzaq durmaq istəyir. Daha sonra deyib ki, Pakistanın xəstə iqtisadiyyatını bərpa etmək cəmiyyətin hər bir maraqlı tərəfinin prioriteti olmalıdır. Qeyri-rəsmi söhbət zamanı ordu rəisi bildirib ki, güclü iqtisadiyyat olmadan digər dövlətlər öz hədəflərinə nail ola bilməyəcəklər.




Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.