Qarabağdakı erməni separatçı “hökumət”inin rəhbəri, Kremlin himayə etdiyi Ruben Vardanyan dünən İrəvana gedib.
Bu barədə Ermənistanın "Hraparak" qəzeti məlumat yayıb.
Teleqram kanalları qeyd edirlər ki, bu səfər məhz Vardanyanın İrəvandakı siyasi isteblişmentin Putinə ən yaxın nümayəndəsi, Ermənistan parlamentində “Hayastan” fraksiyasına rəhbərlik edən eks-prezident Köçəryanla qarşılıqlı əlaqəsi fonunda baş tutub.
"Hraparak" yazır ki, bu gün Vardanyan Moskvaya səfər edəcək. Maraqlıdır ki, Vardanyan Moskva səfərindən əvvəl - dünən separatçı qurumun 11 "naziri"ndən 9-nu vəzifəsindən uzaqlaşdırıb.