Naxçıvan gömrüyündəki əməliyyatların şok pərdəarxası - YÜZ MİLYONLARLA DƏYƏRİ OLAN MALLAR RÜSUMSUZ İDXAL EDİLİRMİŞ
26-11-2022, 18:00
Naxçıvan Muxtar Respublikasının gömrük orqanlarında keçirilən son əməliyyatların detalları bəlli olub.
Gununsesi.info-nun özəl mənbələrdən əldə etdiyi xəbərə görə, bu əməliyyatlara əsas səbəb İran və Türkiyədən ölkəmizə idxal olunan dəyəri yüz milyonlarla hesablanan məhsulların rüsuma cəlb olunmadan keçirilməsi olub.
Təkcə ötən il 3 ton qızıl rüsumsuz Naxçıvana, oradan da Bakıya gətirilib.
Mənbəmizin iddiasına görə, həmin qızılların 1 kq üçün sahibkarlardan 3000 manat rüşvət alınıb.
“Bu kimi hallar uzun illərdir ki, Naxçıvan gömrüyündə davam edirdi” deyən mənbəmiz əlavə edib ki, qanunsuzluqların üstü açıldıqca, həbs edilənlərin sayı da artacaq.