Ermənsitan Silahlı Qüvvələri müharibə qanunlarına zidd olaraq, Azərbaycanın bir neçə mülki obyektləri və dinc sakinlərini raket atəşinə məruz qoyur. Xüsusilə də, düşmən raketlərinin hədəfi əhalinin sıx olduğu ticarət mərkəzləri, xəstəxanalar, ictimai nəqliyyat və digər ərazilərdir.


Şəhəri raket atəşlərindən necə qorumaq olar? TED.az-ın materialında.

Mütəxəssislər hesab edirlər ki, raket atəşlərindən qorunmaq üçün ilkin və etibarlı vasitə hava hücumundan müdafiə sistemləridir.

Hazırda Azərbaycanda mövcud olan hava hücumundan müdafiə sistemlərinin siyahısı:

S-300 Favorit zenit raket kompleksi

S-200 Veqa zenit raket kompleksi

S-125 Neva Peçora zenit raket kompleksi

S-75 Dvina zenit raket kompleksi

2K11 Kruq zenit raket kompleksi

2K12 Kub zenit raket kompleksi

9K37 Buk özüyeriyən zenit raket kompleksi

9K33 Osa özüyeriyən zenit raket kompleksi

9K332 ME Tor M2E2 batareya

9K35 Strela-10 özüyeriyən zenit raket kompleksi

9K38 İqla (300 qurğu 1500 raket)

T-38 Stilet zenit raket kompleksi

ZSU-23-4 Şilka

ZU-23 (yedəkdə daşınan)

Barak 81 divizyon (9 sistem 75 raket)

Lakin mütəxəssislər qeyd edirlər ki, hava hücumundan müdafiə sistemləri şəhərə olan raket atəşlərinin qarşısını hər zaman ala bilmir.


Ona görə də, əhalinin təhlükəsizliyini təmin etmək üçün digər və əsas vasitə olan sığınacaqlar olmalıdır. Müharibə şəraitində olan ölkələrin mülki müdafiə məsələləri diqqətdə saxlanılmalıdır. Əhalinin raket hücumundan zərər görməməsi üçün onların müəyyən sığınacaqlara yerləşdirilməsi mütləqdir.

Sığınacaq dedikdə əhalinin, eləcə də, qoşunların şəxsi heyətini bütün qırğın vasitələrinin zədələyici təsirindən qorumaq üçün tikilən xüsusi qurğular nəzərdə tutulur. Sığınacaq mülki müdafiədə kollektiv mühafizə vasitələrinin əsas növüdür. Sığınacaqdan ilk dəfə Birinci Dünya Müharibəsi zamanı istifadə edilib.

Sığınacaq möhkəm inşaat materiallarından tikilir. Nüvə partlayışının zərbə dalğası təsirindən, radioaktiv, kimyəvi, bakterioloji maddələrdən qorunmaq üçün hermetik olur, ventilyasiya qurğusu ilə təchiz edilir və burada adamların 2-3 gün qalması üçün şərait yaradılır.


Sığınacaqlarda adamların yerləşdiyi əsas otaqlardan başqa ərzaq, su ehtiyatları saxlanan otaqlar, sanitariya qovşağı və digərləri üçün nəzərdə tutulan yardımçı otaqlar, kanalizasiya, isitmə sistemi, qəza halları üçün giriş və çıxış yolları olur. Metropoliten stansiyaları, yeraltı qazmalar və digərlərindən də sığınacaq kimi istifada edilə bilər.