Avropa İttifaqında tətbiq edilən yeni məcburi davamlılıq testləri "iPhone 17" smartfonlarında çatışmazlığı üzə çıxarıb.

Oxu.Az-ın "GSMArena"ya istinadən verdiyi xəbərə görə, batareyanın təkmilləşdirilməsinə baxmayaraq, "Apple" smartfonları zərbəyə qarşı müqavimət baxımından rəqiblərindən xeyli geridədir.

Yeni Avropa etiketləmə sistemi cihazlara davamlılıq sinifləri təyin edir. Standartlaşdırılmış testlərin nəticələrinə görə, "iPhone 17 Pro Max" B sinfi reytinqi alıb. Bu o deməkdir ki, onun 180 dəfə yerə düşməyə tab gətirməsinə zəmanət verilir.

Müqayisə üçün qeyd edək ki, "Samsung Galaxy S25 Ultra" və "Google Pixel 10 Pro XL" flaqmanları 270 zərbəyə tab gətirərək, ən yüksək A sinfini alıblar.

Bu o deməkdir ki, gündəlik istifadədə "Apple" flaqmanı zədələnməyə daha çox həssas olacaq. Nazik "iPhone Air Pro Max" da 180 düşmə ilə oxşar nəticə göstərib.