Doğrudur, əvvəlki variantlardan daha sürətli yayılması ilə seçilir. Amma xoşbəxtlikdən bu mutasiya da əvvəlki mutasiyalar kimi yalnız yoluxma sürətində fərq yarada bilib. Bu variant xəstəxanaya qəbul və ölüm faizini artırmır.

Publika.az xəbər verir ki, bu sözləri anestezioloq-reanimatoloq Şahin Məmmədov qeyd edib. Yeni ştammdan söz açan həkim əlavə edib ki, simptomları əvvəlki kimi qalır:

“Simptomlar yüngül soyuqdəymə - baş ağrısı, burun axması, qızdırma daha çox görünür, nəinki öskürək. Vaksinlər “delta” variantına qarşı effektivdir. 2 dəfə vaksin vurulmuş insanlar bu variantdan da qorunacaq”.