Bakının cənub hissəsində Bulla dəniz sahəsində baş verən partlayışı palçıq vulkanın püskürməsi ilə əlaqələndirmək üçün bütün dövlət orqanları və rəsmilər fəaliyyətdədirlər.

“Yeni Gündəm” xəbər verir ki, bu sözləri professor Qubad İbadoğlu deyib.

“Onlar ardıcıl açıqlamalar verirlər. Əvvəlcə SOCAR adından, sonra Ekologiya və Təbii Sərvətlər Nazirliyi və Respublika Seysmoloji Xidmət Mərkəzi tərəfindən məlumat yayıldı ki, palçıq vulkanı püskürüb. Amma, baş verən partlayış və sonrda da alovlana məşəl o qədər güclü və böyük olub ki, onu nəinki Bakıdan, hətta yaxın rayonlardan da müşahidə etmək mümkündür.

Odur ki, palçıq vulkanı izahatı inandırıcı görsənmir. Bu İranın və ya Rusiyanın təxribatları da ola bilər, nədirsə, əvvəl-axır bilinəcək, əsas odur ki, ölüm-itim olmasın, yanan qaz-neft olsun, pulunu gec də olsa əhalidən çıxaracaqlar”-, deyə o bildirib.