Redaksiyamıza 3-cü sinif şagirdinin valideyni tərəfindən şikayət daxil olub.

Sonxeber.az xəbər verir ki, valideyn uşaqlara tədris olunan dərsliklərdən narazıdır.

Belə ki, 3-cü sinif şagirdinə tapşırılan "Sinifdən xaric oxu" dərsliyindəki rəvayətlərdə o yaş qrupuna aid olmayan mövzular qeydə alınıb. Mətndə "intihar", "qadın hiyləgərliyi", "başqasının arvadına göz dikmək" və s. kimi düzgün olmayan mövzulara toxunulub.

Bəllidir ki, bu, azyaşlıların psixologiyasına mənfi təsir göstərir.

Valideyn bildirir ki, müəlliməsinə etiraz etdikdə o, təəssüfləndiyini və rəvayəti oxumadığını söyləyib:

"Müəlliməsi onun təqsirinin olmadığını, Təhsil Nazirliyinin bunu proqrama saldığını qeyd etdi. Uşaqlara aid olmayan mövzulardan ibarət hekayələr, rəvayətlər nə üçün onlara verilir? Sonra deyirik ki, uşaqlar niyə pis-pis danışır? Təhsil belə olduqdan sonra onlar nə öyrənəcəklər?"

Qeyd edək ki, bu kimi şikayətlər dəfələrlə edilsə də, Təhsil Nazirliyi tərəfindən heç bir tədbir görülməyib.