Qanada “Marburq” virusu yayılıb. Dünyanın ən ölümcül xəstəliklərindən birinin Qərbi Afrikada ortaya çıxması yeni epidemiya qorxusu yaradıb. Hətta son dərəcə təhlükəli hesab edilən infeksiyadan iki nəfərin ölməsi səbəbindən aidiyyəti qurumlar epidemiya həyəcanı verib. Bu xəbərdarlıqdan sonra “Marburq” virusu ilə bağlı təfərrüatlar ciddi narahatlığa səbəb olub. “Marburq” virusundan iki xəstənin ölüm xəbərini alan Ümumdünya Səhiyyə Təşkilatı dərhal tədbir görüb. “cnnturk.com”un məlumatına görə, ölkənin cənubundakı Aşanti bölgəsindən olan xəstələrin bir-birini tanımaması narahatlıq yaradıb. Bir-biri ilə əlaqəli olmayan iki hadisə, xəstəliyin əvvəllər düşünüldüyündən daha çox yayıldığına dair qorxuları artırdı. Ümumdünya Səhiyyə Təşkilatının qanalı tibb işçilərinə dəstək olmaq üçün bir mütəxəssis qrupu təyin etməsi və bu insanların yola çıxması xəbərlər arasındadır.

Maraqlıdır, “Marburq” virusu nədir və əlamətləri hansılardır?

Qeyd edək ki, “Marburq” mövcud viruslar arasında ən ölümcül viruslardan biridir və xəstələrin 88 faizini öldürür. Həyatını itirən insanlara ilk testlər müsbət çıxıb və "Marburq" virusu aşkarlanıb. Ebolanın ölümcül növü olan olan “Marburq” a yoluxan insanları 90 faizi dünyasını dəyişir. Yüksək yoluxma potensialına sahib olan virus yeni pandemik təhlükə kimi qəbul edilib və ÜST onu "epidemiyaya meyilli" adlandırıb.

“Marburq” virusuna yoluxan insanlar “kabus”a oxşayır. Gözləri batır və sifətləri ifadəsiz halda olur. Bu virusa yoluxan insanların tez-tez burun, diş ətləri, gözlərində qanaxmalar olur. Bu virus adətən Anqola, Konqo Demokratik Respublikası, Keniya, Cənubi Afrika və Uqandada baş verən epidemiyalarla əlaqələndirilir. “Marburq” daha yaxşı tanınan Ebola virusu xəstəliyi ilə eyni ailədən olan viral hemorragik qızdırmadır. Virus meyvə yarasaları tərəfindən daşınır, lakin insanlar arasında qan və bədən mayeləri, həmçinin çirklənmiş səthlərə toxunmaqla yayıla bilər. Virusu ehtiva etmək üçün son dərəcə ciddi infeksiya nəzarət tədbirləri tələb olunur.

İlk dəfə 1967-ci ildə Almaniyanın Marburq və Frankfurt və Serbiyanın Belqrad şəhərlərində baş verən epidemiyalardan sonra Uqandadan gətirilən meymunlar tərəfindən laboratoriya işçilərinə ötürülməsindən sonra insanlarda aşkar edilib. 2008-ci ildə mağaraları ziyarət etdiyi Uqandadan Hollandiyaya qayıdan hollandiyalı qadında ikinci dəfə xəstəlik aşkarlanıb. Xəstəlik qəfildən yüksək hərarət və şiddətli baş ağrısı ilə başlayır və adətən yeddi gün ərzində şiddətli qanaxmaya səbəb olur.
Virusu müalicə etmək üçün təsdiqlənmiş peyvəndlər və ya antiviral müalicələr yoxdur, buna görə də həkimlər simptomları yaxşılaşdırmaq üçün venadaxili damcılardan istifadə edirlər.
şerq.az