“Silver Institute” (Gümüş İnstitutu) onilliklər ərzində rekord gümüş qıtlığını proqnozlaşdırır.

Bu il gümüşə qlobal tələbatın 16 faiz artaraq 1,21 milyard unsiyaya çatacağı deyilir.

Nəticədə, bu metalın çatışmazlığı onilliklərin rekordunu yeniləyəcək.

Avtomobil istehsalçıları tərəfindən gümüş istehlakı artıb, baxmayaraq ki, sektor ümumi gümüş tələbatının yalnız beş faizini təşkil edir. Günəş panellərinin istehsalı ümumi tələbatın təxminən 10 faizini təşkil edir. Birjada fondlarında (ETF) gümüş ehtiyatları azalıb.

Analitiklər gümüş bazarında keçən il 48 milyon unsiya olan kəsirin bu il 194 milyon unsiya olacağını proqnozlaşdırırlar.