Hesabata görə, keçən il Avropada 16 min adam həyatını itirib, sel və fırtınalar 2 milyard dollar maddi ziyana səbəb olub.

Demokrat.az xəbər verir ki, bu barədə məlumatlar Dünya Meteorologiya Təşkilatı və Avropa İttifaqının Kopernik İqlim Dəyişikliyi Xidmətinin birgə hazırladığı hesabatda yer alıb.

Hesabatda keçən il qlobal istiləşmədən ən çox təsirlənən qitənin Avropa olması ilə bağlı xəbərdarlıq edilib.

Həmçinin, temperaturun 2022-ci ildə Avropada əvvəlki dövrlə müqayisədə 2,3 dərəcə yüksək olduğu qeyd edilib.

Eyni zamanda, hesabatda həddindən artıq isti havanın ən bariz nəticələri arasında quraqlıq, dəniz səthinin rekord temperaturu və buzlaqların əriməsi yer alıb.