Çatdırılma şirkətləri adından vətəndaşlara saxta mesajlar göndərilir.

TEREF Xəzər TV-yə istinadən bildirir ki, son zamanlar bu kimi dələduzluq halları artıb.

Daşınma şirkətlərindən birindən “Xəzər Xəbər”ə bildirildi ki, vətəndaşa hər hansı şübhəli mesaj göndərilərsə, həmin şəxs sifarişi etdiyi mərkəz ilə əlaqə saxlamalıdır. Çatdırılma şirkətlərindən isə o da qeyd edildi ki, onlayn ödənişlər yalnız sifarişin yaradılması zamanı həyata keçirilir.

Saxta mesajlarda göndərilən linkə daxil olduqda isə vətəndaşların məlumatları ələ keçirilir.

Daxili İşlər Nazirliyi bununla bağlı xəbərdarlıq edib. Qeyd edilib ki, sifariş gözləyən hər bir vətəndaş diqqətli olmalıdır.

TEREF mövzu ilə bağlı daha ətraflı videomaterialı təqdim edir.