Milyonçuların sayı və sərvətləri tarixdə ən yüksək həddə çatıb
Dünən, 12:59
Milyonçuların sayı və sərvətləri tarixdə ən yüksək həddə çatıb.
Oxu.Az xəbər verir ki, bu barədə BFM TV "Capgemini" şirkətinin beynəlxalq araşdırmasına istinadən məlumat yayıb.
Bildirilir ki, milyonçuların sayı və sərvətləri əsasən səhmlərin qiymətlərinin yüksəlməsi və süni intellekt (AI) sahəsində yaranan maraq səbəbilə rekord həddə çatıb.
Gəliri bir milyon dollardan çox olan zəngin insanların sayı illik müqayisədə 2.6% artaraq, 2024-cü ildə 23.4 milyon nəfər olub.
Yüksək varidata malik şəxslərin sayı da 6.2% artıb. Onların ümumi sərvəti 90.5 trilyon ABŞ dolları təşkil edir ki, bu da ötən illə müqayisədə 4.2% çoxdur.
Ən yüksək artım ABŞ-də qeydə alınıb. Burada 562 min yeni milyonçunun ortaya çıxması ilə, ümumi say 7.9 milyona çatıb. Bu artım əsasən birja bazarındakı yüksəlişlə əlaqələndirilir.
