Sosial şəbəkələrdə 1986-cı ilə aid olan və AzTV-nin məşhur diktorlarının əks olunduğu arxiv fotosu gündəm olub.

32gun.az xəbər verir ki, şəkildə soldan sağa doğru Rafiq Hüseynov, Nailə İslamzadə, Ülkər Quliyeva, Aygül Qaradağlı və Sevda Ağazadə yer alır.

Paylaşım izləyicilər tərəfindən böyük maraqla qarşılanıb və televiziya tariximizin qızıl dövrünü xatırladıb.

Qeyd edək ki, fotoda yer alan Xalq artisti Rafiq Hüseynovun sabah – avqustun 5-də doğum günüdür. Onun peşəkar diktor kimi fəaliyyət göstərdiyi illər ərzində səsləndirdiyi xəbərlər, rəsmi tədbirlər və sənətə verdiyi töhfələr bu gün də ehtiramla anılır.