Qışda insanların daha tez acması bir neçə bioloji və psixoloji səbəblə izah olunur. Foodinfo.az xəbər verir ki, soyuq havalarda bədən istiliyini qorumaq üçün daha çox enerji sərf edir və bu da daha çox kalori tələb edir. Enerji sərfiyyatını qarşılamaq üçün bədən qida ehtiyacını artırır, nəticədə qışda aclıq hissi daha tez yaranır. Soyuq havada istiliyi qorumaq üçün bədən metabolizmanı sürətləndirir, yəni daha çox enerji yandırır ki, bu da daha çox yemək istəyi yaradır.Bundan əlavə, gün işığının azalması da hormonların ifrazını dəyişdirir. Xüsusilə serotoninin azalması və melatoninin artması aclıq hissini artırır. Qış aylarında azalan gün işığı əhval-ruhiyyəyə təsir edərək karbohidratlı və yüksək kalorili qidalara yönəlməyə səbəb olur. Bu qidalar serotonin ifrazını artırdığı üçün insan özünü daha yaxşı hiss edir, buna görə də qış aylarında tez-tez aclıq hiss edərək karbohidrat ehtiyacını ödəməyə çalışır.Psixoloji faktorlar da qışda aclıq hissini artırır. Qapalı məkanlarda daha çox vaxt keçirmək və fiziki fəaliyyətin azalması yemək yeməyə yönəlməyi artırır. Bu səbəbdən, qışda qidalanma rejiminə diqqət etmək və sağlam qidalar seçmək vacibdir. Daha çox protein, lif və tərəvəz əsaslı qidalar istehlak etmək həm toxluq hissini artırır, həm də sağlam qidalanmanı dəstəkləyir.