CNN telekanalı ABŞ prezidenti Donald Trampı jurnalist Cim Akostanın Ağ Evə girişini qadağan etdiyi üçün məhkəməyə verib.

Teref.az Qafqazinfo-ya istinadən bildirir ki, bu barədə telekanalın açıqlamasında deyilir.

Qeyd olunur ki, prezidentlə birlikdə onun bəzi köməkçilərinə qarşı da dava açılıb.

"Siz çox kobud, yaramaz insansınız" - Tramp hirsləndi - VİDEO - FOTO
Xatırladaq ki, daha əvvəl Milli.Az xəbər vermişdi ki, noyabrın 7-də Ağ Evdə D.Trampın iştirakı ilə keçirilən mətbuat konfransında CNN müxbiri Cim Akosta prezidentə ABŞ-a sığınan mühacirlər və Rusiyanın seçkilərə müdaxiləsi ilə bağlı aparılan araşdırma haqqında sual ünvanlamış və sərt cavabla üzləşmişdi.

ABŞ prezidenti "İmkan ver ölkəni özüm idarə edim. CNN-i də sən idarə et" dedikdən sonra çıxışına davam edən jurnalistə əsəbiləşərək "Sən çox kobud və bərbad bir insansan. CNN-də yalan xəbərlər yayımladığınız üçün də xalqın düşmənisiniz" şəklində reaksiya göstərmişdi.

Baş vermiş qalmaqaldan sonra Akostanın Ağ Evdə akkreditasiya kartı gizli xidmət əməkdaşları tərəfindən əlindən alınmışdı.

Videonu izləmək üçün şəklə klikləyin: