İsrail ən güclü ZTR-lərinin görüntülərini yaydı
İsrail özünün “Namer” zirehli transportyorunun sınağını keçirib.

Axar.az xəbər verir ki, bu məlumatı “Popular Mechanics” saytı yayıb. Məlumata görə, bu ZTR ABŞ-ın “M-2 Bradley” zirehli transportyorundan təxminən 2 dəfə ağırdır və çəkisi 60 tona çatır. Yeni ZTR-in Spike-MR tankəleyhinə raketləri ilə təchiz edildiyi vurğulanıb. Bu ZTR-ə həmçinin “Trophy” tankdan müdafiə sistemlərinin də yerləşdirildiyi bildirilib.

Qeyd edək ki, İsrailin “Rafale” şirkəti “Namer” tanklarını hazırlayıb. Onun hazırlanması üzərində iş 2000-ci illərin əvvəllərində start götürüb. Şirkət bu ZTR-ləri “Merkava IV” tankları əsasında hazırlayıb.