Dəmir Yolları Qapalı Səhmdar Cəmiyyətinin sədri Rövşən Məmmədov ölkənin bir çox rayonlarında bilet satışı ilə məşğul olan kassaları ləğv edib.

Gununsesi.info-nun xəbərinə görə, Bakı və Gəncə istisna olmaqla bütün rayonların dəmir yolu vağzallarında kassalar ləğvi nəticəsində kassirlər işdən kənarlaşdırılıb.

Saytımıza müraciət edən kassirlər bildirib ki, Dəmir Yolları rəhbərliyinin onların başqa işə keçirilməsini də təmin etməyib.

Dəmir Yolları rəhbərliyi bu qərarını isə onunla əsaslandırıb ki, indi sərnişinlər bileti online alır.

Ancaq reallıqda isə Dəmir Yollarının internet səhifəsindən online bilet almaq olduqca çətin və bir çox hallarda mümkünsüz olur.

Sistemdə davamlı yaranan problemlər barədə dəfələrlə şikayətlər eşidilib.

Həmçinin, bölgələrdə kassaları ləğv edən qurum rəhbərliyi bəzi sərnişinlərin yaşlı olmasını və online bilet almaq bacarıqlarının olmadığını düşünməyib.