Marneulidə Gürcü dili tələbi zəminində şirniyyat evində insident baş verib.
Bu axşam, saat təxminən 20:30 radələrində Marneuli şəhərində insident yaşanıb.
24News portalının verdiyi məlumata görə, insident zamanı bir nəfər "Melodiya" adlı şirniyyat evinə daxil olub və orada çalışan yeniyetmədən gürcü dilində danışmağı tələb edib.
Məlumata görə, yeniyetmə gürcü dilində cavab verə bilmədikdə, həmin şəxs onu şillələyib. Bu zaman ətrafda olan vətəndaşlar ilə həmin şəxs arasında qarşıdurma yaşanıb.
İnsidentə səbəb olan şəxsin Marneuli Bələdiyyə Şurası sədr müavini Riçard Qiqaninin oğlu olduğu bildirilir.