40-dan çox amerikalı senator Qara dənizdə Rusiyaya qarşı çoxmillətli hərbi əməliyyatın aparılması üçün Prezident Donald Trampa çağırış edib.

Axar.az xəbər verir ki, senatorlar bunun gəmilərin hərəkət sərbəstliyinin təmin edilməsinə, həmçinin qəbul edilmiş sərhədlərin qorunmasına və ikitərəfli əlaqələrə yönəlik dəstək olduğunu bildiriblər.

Sənəddə NATO-nun Qara dənizdə hərbi varlığının artırılmasının vacibliyi vurğulanıb və Rusiya gəmilərinin avropalı müttəfiqlərin dəniz limanlarına girişinin qadağan edilməsi istənilib.