Rusiya izah etməlidir ki, Donbas qiyamçıları “Buratino” qurğularını necə ələ keçiriblər.

Axar.az xəbər verir ki, bu sözlər Böyük Britaniyanın ATƏT-dəki daimi nümayəndəliyinin Tvitterdəki hesabında yer alıb. Rəsmi London ATƏT-in 28 sentyabrda yayımladığı hesabata istinad edərək, Rusiyadan izahat tələb edib.

Qeyd edək ki, ATƏT öz hesabatında “Buratino” qurğularının Luqansk vilayətinin Kruqlik kəndində olduğunu bildirib. “TOS-1 Buratino” qurğuları Rusiyada istehsal olunub. Onlar heç bir zaman Ukraynaya ixrac edilməyib. Həmin qurğular termobarik raketlərlə də təchiz oluna bilərlər.