Moskva vilayətinin Dolqoprudnı şəhərində keçirilən toy mərasimində pirotexniki qurğuların nasaz işləməsi nəticəsində partlayış baş verib.

Bu barədə "Shot" "Telegram" kanalı xəbər verir.

Bildirilir ki, atəşfəşanlıq, gözlənildiyi kimi, səmada parlaq fişənglərlə yox, alovlu zərbələrlə iştirakçıların üstünə yönəlib. Nəticədə bəy-gəlin də daxil olmaqla bir çox qonaq yanıq və başqa xəsarətlər alıb.

Cütlüyün sözlərinə görə, baş verənlərdə əsas günahkar pirotexnik mütəxəssisidir. Onlar bildiriblər ki, həmin şəxs tədbir günü uzun müddət zənglərə cavab verməyib və yalnız təyin olunmuş vaxtdan 20 dəqiqə əvvəl yarım saat gecikəcəyini xəbər verib. Gecikərək gələn pirotexnik avadanlığı tələsik və səhlənkarlıqla quraşdırıb.

Hadisəyə səbəb olduğu iddia edilən pirotexnik isə üzərinə məsuliyyəti götürməkdən imtina edir.

Hazırda məsələ ilə bağlı araşdırma aparılır.