Əgər qaydalar dəyişdirilməzsə Aralıq dənizində insan alveri ilə mübarizə aparan Avropa İttifaqının “Sofiya” hərbi-dəniz missiyası ləğv edilməlidir, çünki bu, İtaliya üçün çox böyük yükdür.

AZƏRTAC xəbər verir ki, bu sözləri İtaliyanın Baş nazirinin müavini və daxili işlər naziri Matteo Salvini söyləyib.

“Sofiya” hərbi-dəniz missiyasının mahiyyəti ondan ibarətdir ki, keçmiş Baş nazir Matteo Renzi hökumətinin miqrantlarla bağlı imzaladığı sazişdən sonra xilas edilən bütün mühacirlər yalnız İtaliyada sahilə çıxardılırdı. Ya qaydalar dəyişməlidir, ya da missiya başa çatmalıdır”, - deyə Baş nazirin müavini bildirib.