İŞİD-in 6 komandiri həbs olunub- Livanda

16-02-2019, 20:47           
İŞİD-in 6 komandiri həbs olunub- Livanda
Livan ordusunun xüsusi xidmət orqanları İŞİD qruplaşmasında yüksək vəzifə tutan 6 təhlükəli terrorçunu həbs edib.

Azərtac xəbər verir ki, An-Nashra portalının yaydığı məlumata görə, Livanın şimalında yerləşən Hermel rayonunda aparılan əməliyyat zamanı sərhədi qanunsuz keçən İŞİD qruplaşmasının səhra komandirlərindən biri Xalid əl-Həc saxlanılıb. Onun dindirilməsindən sonra Əş-Şavahir rayonunda qruplaşmanın dini avtoriteti Əhməd Mansur əl-Xələf və daha 4 silahlı da həbs edilib. Onların hazırda döyüşlərin getdiyi Suriyanın Deyr-əz-Zor əyalətindən qaçdıqları bildirilir.

Fevral ayının əvvəlində Beyrutdan 90 kilometr məsafədə yerləşən Tripoli yaşayış məntəqəsində İŞİD qruplaşmasının şəbəkəsi ləğv edilmiş və diversiyaya hazırlaşan 4 silahlı saxlanılmışdı.

Livanın Daxili İşlər Nazirliyinin məlumatına əsasən, ötən il xüsusi xidmət orqanları parlament seçkiləri ərəfəsində iki böyük terror aktının qarşısını almışdı. O zaman qruplaşmaya bağlı terrorçular Suriyadan Livana daxil olmağa cəhd edən zaman apardıqları partlayıcı ilə birlikdə ələ keçmişdilər.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.