lkin hesablamalara görə, Fransada keçirilən Avropa parlamenti seçkilərində “Milli Birlik” partiyası (Rassemblement National) təxminən 24 faiz səs toplayaraq ilk yerdə qərarlaşıb.

RİA Novosti xəbər verir ki, prezident Emanuel Makronun başçılıq etdiyi “İrəli Respublika” partiyası 22% səslə ikinci yeri tutub, “Ekologistlər” partiyası (“yaşıllar”) 13%-lə üçüncüdür.

Qeyd edək ki, Marin Le Penin başçılıq etdiyi “Milli Birlik” partiyası ultrasağçılar hesab olunur və milliyətçilik ideoloqiyasına arxalanır.

Seçkidən dərhal sonra Le Pen Fransa parlamentinin buraxılmasını tələb edib.

Ümumilikdə, seçicilər 2686 namizəd arasında seçim ediblər. Fransa 79 avrodeputatla Almaniyadan (96) sonra ikinci yeri tutur.