Çinin ikinci ən böyük şirkəti "Tencent"in internet saytında koronavirusla bağlı dəhşətli məlumatlar yayılıb.
Yeniavaz.com xarici KİV-ə istinadla xəbər verir ki, "Tencent"in internet saytında koronavirusla bağlı Çində ölənlərin sayı 24 min 589 nəfər olaraq göstərilib. Bu rəqəm isə rəsmi olaraq göstərilən ölü sayından 80 dəfə çoxdur. Bəhs edilən mənbədə koronavirusa yoluxan adamların sayı isə rəsmi rəqəmlərin 10 qatı, 154 min nəfər kimi qeyd edilib. Həmin məlumatlar bir neçə dəqiqə sonra saytdan silinərək əvəzinə Çin hökumətinin verdiyi rəsmi rəqəmlər yerləşdirilib. Çinin ikinci ən böyük şirkətinin rəsmi saytında nə üçün bu cür məlumatların qoyulduğu hələlik bilinmir.