Vaşinqtonda prezident seçkiləri ərəfəsində təhlükəsizlik tədbirləri gücləndirilir: küçələr bağlanır, binaların pəncərələri qapadılır. ABŞ hüquq mühafizə orqanları noyabrın 3-də baş tutacaq prezident seçkiləri zamanı iğtişaşların olacağından narahatdı. Şəhərin böyük küçələrində polis qüvvələrinin sayı artılır, Vaşinqtonun mərkəzindəki ticarət mərkəzlərinin və mağazaların pəncərələri isə hər ethimala qarşı faner lövhələrlə örtülür.

KONKRET.az xəbər verir ki, ABŞ-da seçicilərin artıq 65%-i vaxtından əvvəl səs versə də, Ağ evdə kimin oturacağı seçkinin əsas günündə bəlli olacaq.