ABŞ-ın bəzi ştatlarının rəsmiləri son seçkilərdə səslərin sayılmasını Venesuelanın keçmiş prezidenti Uqo Çaves, indiki Prezident Nikolas Maduro və maliyyəçi Corc Sorosla əlaqəli olan bir şirkətə həvalə ediblər.

Axar.az xəbər verir ki, bunu Donald Trampın vəkili Rudolf Culiani deyib.

Onun sözlərinə görə, söhbət “Smartmatic” şirkətinin texnologiyalarından istifadə edən Kanadada qeydiyyatdan keçmiş “Dominion” firmasından gedir. Culiani bildirib ki, səslərin sayılması İspaniya və Almaniyada həyata keçirilib.

“Bu, milli təhlükəsizlik nöqteyi-nəzərindən çox ciddi sualdır”, - Trampın vəkili bildirib.