“Artıq bir sıra Avropa ölkələrinin səfirlikləri müalicə üçün hər hansı bir Avropa ölkəsinə getmək istəyən Ermənistan vətəndaşlarına viza verməkdən imtina edir”.

Teleqraf.com xəbər verir ki, bu barədə Ermənistanda nəşr olunan “Past” qəzeti yazıb.

“Vətəndaşlar qəzetə bildiriblər ki, səfirliklər əsasən inamsızlıq və ya şübhə ittihamı ilə viza verməkdən imtina edirlər. Məsələ burasındadır ki, Avropa ölkələrinin səfirlikləri bu vətəndaşların sağlamlıq durumlarını ölkəni tərk etmək üçün bir bəhanə kimi istifadə etdiklərindən, eyni zamanda müharibədən sonra Ermənistanda yaranan qeyri-sağlam mühit və çətin daxili siyasi vəziyyət səbəbindən şübhələnirlər.
Məlum olduğu kimi, Avropa ölkələrinin səfirlikləri yalnız adi vətəndaşlara viza vermir. Qəzetin yazdığına görə, müharibə zamanı “Mənim addımım” fraksiyasının bir sıra deputatları və bir neçə məmur viza almaq üçün ABŞ-ın Ermənistandakı səfirliyinə müraciət etdilər, lakin rədd edildi.

Təəssüf ki, ABŞ səfirliyi ilə vizaların hansı məqsədlər üçün istənildiyini aydınlaşdırmaq mümkün olmadı. Buna baxmayaraq, ABŞ-ın Ermənistandakı səfirliyinin müraciət edənlərin böyük əksəriyyətinin tələbini təmin etməməsi diqqət çəkir”, - “Past” qeyd edib.