ABŞ Konqresi Nümayəndələr Palatasının Daxili Təhlükəsizlik Komitəsinin sədri, demokrat Benni Tompson eks-prezident Donald Trampı və onun vəkili Rudi Culianini məhkəməyə verib.

Virtualaz.org-un yerli KİV-ə istinadən məlumatına görə, Vaşinqton məhkəməsinə təqdim olunan müraciətdə bildirilir ki, Tramp, Culiani, eləcə də bir sıra ifrat sağ təşkilatlar əlbir olaraq, əvvəlcədən düşünülmış ssenari əsasında Kapitoliyə hücum təşkil ediblər. Onların məqsədi seçkilərin nəticəsinin tanınmasına imkan verməmək və Konqresin işinə maneə törətmək olub.

Konqresmen Trampı keçmiş prezident kimi yox, fiziki şəxs olaraq məhkəməyə verib. Onun tələb etdiyi təzminatın məbləği isə açıqlanmır.