Süveyş kanalının daha bir neçə həftə bağlanması Avropaya tədarüklə bağlı ciddi fasilələrə səbəb olacaq.

Axar.az xəbər verir ki, bunu Amerikanın Taft Universiteti yanında Fletçer Dəniz Tədqiqatları Mərkəzinin rəhbəri Rokford Vaytç deyib.

“Əgər 2-3 gün ərzində kanal açılarsa, iqtisadi itkilər az olacaq. Əgər qapanma daha bir neçə həftə davam etsə, tədarük zəncirində maliyyə itkiləriylə nəticələnən fasilələr yarana bilər”, – deyə o bildirib.

Vaytç Suveyş kanalının bağlanmasından xüsusilə Yaxın Şərqdən bu marşrut üzrə həyata keçirilən stabil tədarükdən asılı olan Avropanın neftayırma zavodlarının zərər görəcəyini söyləyib.