Avropada COVID-19-dan ölənlərin sayı bir milyonu keçib.

Bu barədə Ümumdünya Səhiyyə Təşkilatının (ÜST) Avropa bölməsinin rəhbəri Hans Klüqqe brifinqdə deyib.

“Bölgədə vəziyyət ciddidir. Hər həftə 1,6 milyon yeni yoluxma qeydə alınır. Bu, hər saat 9 500 və ya dəqiqədə 160 nəfərin yoluxması deməkdir”, - o qeyd edib.

H.Klüqqe bu günə qədər Avropanın COVID-19 əleyhinə yeddi növ peyvəndin 171 milyon dozası ilə təmin olunduğunu xatırladıb.

Avropa əhalisinin, demək olar ki, 13 faizi peyvəndin birinci dozasını və 7 faizi isə hər iki dozanı alıb.

Cebhe.info