Rusiyada müvafiq qurumların yoxlamasından keçməyən vətəndaşların silah almasına qadağa qoyulacaq.

Qafqaz.media Rusiya KİV-lərinə istinadən xəbər verir ki, prezidentin Putinin tapşırığı ilə bununla bağlı qanun layihəsi hazırlanıb. Məlumata görə, bu sahədəki məhdudiyyətlər ekstremist və terror qrupları ilə əlaqəsi olan insanların silah əldə etməsinin qarşısını almaq məqsədi daşıyır.

Yeni qanun layihəsində Daxili İşlər və ya Federal Təhlükəsizlik orqanları tərəfindən aparılan yoxlamanın nəticələrinə əsasən, Rusiya Federasiyasının vətəndaşlarına silah əldə etmək üçün lisenziya verilməməsi təklif olunur. “Rusiya Federasiyasının qanunvericiliyinə uyğun olaraq xidmət, vətəndaşların hüquq və azadlıqlarının pozulması təhlükəsinin artması, ictimai təhlükəsizliyə təhdidin ortaya çıxması ilə əlaqədar olaraq silah sahibi olmağın mümkün olmadığı qənaətinə gəlindi "- normativ hüquqi aktların federal portalında dərc edilmiş sənədə verilən izahat qeydində deyilir.

Qanun layihəsi təkcə silah üçün lisenziya verməkdən imtina etməyi deyil, həm də əvvəllər verilən icazələrin ləğvini nəzərdə tutur.

Qeyd olunur ki, məhdudiyyətlər mütəşəkkil cinayətkar qruplaşmaya daxil olan insanların ekstremist və ya terrorçu yönümlü silahlara sahib olmasının qarşısının alınması, habelə vətəndaşların cinayət məqsədləri üçün istifadə etmək niyyətində olan silahlara girişinin qarşısını almaq məqsədi daşıyır.