Səudiyyə Ərəbistanı Pakistana maliyyə köməyini bərpa edəcək. Bu barədə oktyabrın 27-də «Dawn.com» nəşri xəbər verib.

Köməyə depozit formasında 3 milyard dollara yaxın vəsait və 1,2-1,5 milyard dolları möhlətli odəmə ilə neft tədarükü daxildir.

Xəbər verilir ki, bu barədə razılıq Pakistanın Baş naziri İmran Xanın Səudiyyə Ərəbistanına səfəri zamanı əldə olunub. Səfər bu həftə reallaşıb.

Saziş barədə məlumatı İnformasiya naziri Favad Çaduri təsdiqləyib.

Bundan əvvəl xəbər verilmişdi ki, Pakistan Səudiyyə Ərəbistanından investorlar cəlb edir.

“AzPolitika.info”