Çin gömrüyü dondurulmuş balıq qutularında yeni koronavirus aşkarlanması səbəbilə iki Rusiya şirkətindən dəniz məhsulları almağa müvəqqqəti qadağa qoyub. Bu barədə oktyabrın 27-də TASS agentliyi xəbər verib. Xəbər ÇXR Baş Gömrük İdarəsinə istinadla yayılıb.

Söhbət «Eglaine Mercury» balıqçı gəmisinin və «Zarya LLC» istehsalat idarəsinin məhsullarından gedir.

İdarənin xəbərində göstərilir ki, bu şirkətlərdən Çinə idxal edilmiş bir neçə partiyadan olan iki qutudakı dondurulmuş qorbuşa balığında koronavirus aşkar olunub.

Beləliklə, ÇXR-da qəbul olunmuş qaydalara uyğun olaraq, gömrük bir həftəliyə bu şirkətlərdən məhsul idxalı üçün bəyannamə qəbul etməyi dayandırıb.

“AzPolitika.info”