Rusiyanın Ukraynaya «soxulmağa hazırlaşdığı» ehtimalının artdığı fonda ABŞ Prezidenti Co Bayden Şərqi Avropada yerləşən NATO ölkələrinə bir neçə min Amerika hərbçisi, döyüş təyyarələri və gəmiləri göndərmək imkanlarına baxır.

Bu barədə yanvarın 23-də «Nyu York Tayms» qəzeti Ağ Evdəki məlumatlı mənbəyə istinadla xəbər verib.

Nəşrin məlumatına görə, Kemp-Deviddəki Prezident iqamətgahındakı görüşdə yanvarın 22-də ABŞ Müdafiə Nazirliyinin yüksək məqamlı məmurları Baydenə hadisələrin bir neçə ssenarisini təklif ediblər. Onlardan biri 5000 hərbçi göndərməyi təklif edib, situasiyanın pisləşməsi halında isə onların sayı 10 dəfə artırıla bilər.

Qeyd olunur ki, Ağ Evin sahibi qərarı cari həftədə qəbul edəcək. Bunun, Moskvanın təhlükəsizlik qarantiyası təklifinə Vaşinqtonun cavabına qədər və ya sonra baş verəcəyi dəqiqləşdirilmir.

Ukraynanın özündə isə Amerika ordusunun yerləşdirilməsi hələ ki, Vaşinqtonun gündəliyində durmur, - "Nyu York Tayms" qeyd edir.