Mərkəzi Amerika ölkəsi Kosta Rikanın yeni prezidenti Rodriqo Çaves ölkənin sistemlərinə hücum edərək bir çox dövlət xidmətlərini yararsız hala gətirən rus haker qrupu “Conti” ilə mübarizə aparır.
Teref.az-ın xarici mediaya istinadən məlumatına görə, aprelin 18-də Maliyyə Nazirliyi ilə başlayan hücumlara başqa dövlət qurumları da əlavə olunub.

27 dövlət qurumu və hökumətlə əlaqəli bir çox sistemi nəzarətə götürən hakerlər 20 gün əvvəl and içən Çavesdən 20 milyon dollar fidyə tələb edir.

Bu səbəbdən maaşlar belə verilə bilməyib.

Üç həftə əvvəl prezident olan Kosta-Rikanın yeni lideri Çaves 20 milyon dollarlıq fidyə ödəməkdən imtina edir.

Pulu vermək istəməyən Çaves haker qrupuna boyun əyməyəcəklərini deyir.

Hakimiyyətdə olan yeni dövlət başçısının ilk işi bu kiberhücuma qarşı fövqəladə vəziyyət elan etmək olub.

Çaves mayın 16-da yerli mətbuata açıqlamasında Kosta Rikanın Conti ilə “müharibə içində” olduğunu və bu ifadənin “şişirtmə olmadığını” bildirib.

ABŞ haker qrupunun liderlərinin kimliyini üzə çıxaracaq məlumatları paylaşanlara 10 milyon dollar mükafat təklif edir.

Ekspertlər vurğulayırlar ki, bundan əvvəl də dövlətlərə qarşı ciddi kiberhücumlar olub, lakin Kosta Rika haker qrupu tərəfindən girov götürülüb.

manset.az