Şimali Amerika ölkəsi olan Meksikada dəhşətli olay baş verib.

Demokrat.az xəbər verir ki, meksikalı siyasətçi Daniel Pikazo bir uşağın qaçırılmasında ittiham edilərək hücuma məruz qalıb.

200 nəfərin hücum etdiyi siyasətçi əvvəlcə döyülüb, sonra isə yandırılıb.

Polis və siyasətçinin yaxınları onun meyitini qəzəbli insanların əlindən zorla alıblar.

Yaxınları onun heç vaxt belə bir iş tutmadığını və uğurlu bir gələcəyə sahib ola biləcək bacarıqlı siyasətçi olduğunu qeyd ediblər.

Qeyd edək ki, bu, Meksikada yaşanan ilk belə olay deyil. Bir müddət əvvəl motosiklet oğurlamağa cəhddə təqsirləndirilən bir nəfər də qəzəbli kütlə tərəfindən döyülərək öldürülmüşdü.