Rusiyada son sutka ərzində 59 mindən çox koronavirusa yeni yoluxma faktı aşkarlanıb. Bu, 2020-ci ilin martın 8-dən bəri (66,5 min) ən yüksək göstəricidir.

Bu barədə RF Yeni İnfeksiya ilə Mübarizə üzrə Federal Operativ Qərargahın saytında məlumat verilib.

Rusiyada son sutka ərzində 110 nəfər koronavirusdan ölüb, bu isə mayın 17-dən bəri maksimum göstəricidir.

Ümumilikdə, Rusiyada pandemiya başlayandan indiyədək 20,3 milyon nəfər COVID-19 infeksiyasına yoluxub, 385,8 min nəfər isə ölüb.

Qeyd edək ki, iki gün əvvəl Ümumdünya Səhiyyə Təşkilatının (ÜST) rəhbəri Tedros Adhanom Gebreyesus yaxın gələcəkdə koronavirus pandemiyasının sonu olacağı ilə bağlı proqnozunu verib.

“Artıq “finiş xətti”ni görürük - qaçmağı dayandırmağı düşünmək üçün səhv vaxtdır”, - deyə o vurğulayıb.

Mənbə: Gazeta.ru