Rusiyada kadr problemi yaşanır. 2024-cü ilin ilk altı ayında satış mütəxəssisləri Rusiyada ən çox tələb olunan işçilər olub.

Valyuta.az xəbər verir ki, RBC bu barədə MnSK analitiklərinin və hh.ru işə götürmə platformasının araşdırmasının nəticələrinə istinadən yazıb.

Təhlillərə əsasən, bu seqmentdə vakansiyaların sayı 1 milyonu ötüb. Əməliyyat işçiləri üçün eyni sayda vəzifələr ayrılıb.

Ən çox tələb olunan işçilər arasında həmçinin avadanlıqların istehsalı və texniki xidməti üzrə mütəxəssislər (732 min vakant yer), tikinti və daşınmaz əmlak sahəsində çalışanlar (710 min) və nəqliyyat və logistika sənayesində çalışanlar (706 min) olub.

Bundan əvvəl Rusiya Federasiyasının Əmək və Əhalinin Sosial Müdafiəsi Nazirliyinin Məşğulluq və Əmək Miqrasiyası Departamentinin direktoru Mixail Kirsanov demişdi ki, beş ildə ən çox tələb olunan kadrlara tokarlar, frezerlər, mexaniklər, qaynaqçılar, həmçinin həkimlər, müəllimlər və aşpazlar daxildir. O bildirib ki, idarə tərəfindən kadrlara ehtiyacın proqnozlaşdırılması həyata keçirilib və bu, texniki peşələrə adi haldan daha çox tələbat olacağını göstərib.